بلوچستان اور خیبر پختونخوا میں سیکیورٹی فورسز کی کارروائیوں میں 7 دہشت گرد مارے گئے۔
سیکیورٹی ذرائع کے مطابق فورسز کی بلوچستان میں آپریشن ردالفتنہ 3 کے تحت دہشت گردوں کیخلاف بھرپور کارروائیاں جاری ہیں، جہاں ضلع چاغی کےعلاقے نوکچہ میں سیکیورٹی فورسزکی کامیاب کارروائی کے نتیجے میں 2 دہشتگرد جہنم واصل ہوگئے۔
فتنہ الہندوستان کے دہشتگردوں نےنوکچہ میں خالی واٹر باوزرکو آگ لگانے کے بعد فرار ہونے کی کوشش کی، تاہم سیکیورٹی فورسزنے فوری اورمؤثر کارروائی کرتے ہوئے فتنہ الہندوستان کے2 دہشت گردوں کو ہلاک کردیا۔
سیکیورٹی ذرائع کے مطابق فتنہ الہندوستان کے دہشت گرد این40 شاہراہ کے مختلف مقامات پرآتشزدگی کی کارروائیوں میں بھی ملوث تھے۔
